Në Festivalin e 7-të Ndërkombëtar të Trashëgimisë Kulturore të Chengdu, në Kinë, një pavion i veçantë ishte lënë për mjeshtrat artizanë të punimit të instrumentave popullorë.
Një shumëllojshmëri e tillë instrumentash sa të duket se aty janë mbledhur gjithë variantet e instrumentave të botës.
Bartës të këtij zanati duke punuar përpara syve të vizitorëve, të tjerë duke u rënë instrumentave të sapo nxjerrë nga duart e tyre.
Më tej një podium i veçantë ku herë pas here ngjiten interpretues me lloj-lloj kostumesh popullore e vegla të ndryshme duke interpretuar përpara publikut që i ndjek me kreshëri.
Përmes mjeteve të zerimit e monitorëve të shumtë të vjen e zbërthyer në fjalë historiku i instrumentit, vlerat e tij e të bartësit e interpretuesit bashkë.
Të gjitha këto ndodhin brënda një mjedisi fantastik e nën një regji perfekte ndërkohë që një juri prefesionale ndjek me vëmëndje e mban shënim për gjithëshka ndodh në atë skenë-podium që hypin e zbresin pa rreshtur artistët popullorë.
Juria në fund do të ndajë çmimet për më të mirët.
Një garë që zhvillohet në një mjedis fantastik ku edhe janë ekspozuar, edhe punohet simbolikisht por edhe luhet në vegla e instrumente.
Një përvojë që ja vlen të përhapet edhe anëve tona për ti bërë më atraktive e më të gjalla ato pak ekspozita apo festivale që organizojmë.
Vetëm kështu mund të mbahet gjallë e trashëgohet tradita popullore që vjen si trashëgimi por edhe të nxitet realisht prodhimi i veglave popullore e interpretimi i tyre në breza…
