9-vjeçari Ryan Kaji, i cili komenton dhe vlerëson lodra në YouTube, është emëruar nga ”Forbes” si personi që fitoi më shumë nga platforma në vitin 2020. Në kanalin e tij zyrtar, Ryan World, i mituri ka më shumë se 12 miliardë shikime dhe fitoi gati 30 milion dollarë vetëm në 2020.
Ryan nisi të bënte video në YouTube në mars të vitit 2015, dhe që atëherë ka fituar miliona dollarë dhe mijëra ndjekës besnikë. Sipas ”Forbes”, i mituri që dikur reklamonte lodrat e kompanive të ndryshme, duket se sot është kthyer në një “brand”.
