Ne jemi mësuar që në Tokë të bjerë shi, por a mund të bjerë shi në diell? Bie shi, edhe shumë madje. Por natyrisht nuk është një shi ujë, por një shi me gaz të mbinxehur. Ja se si funksionon kjo: Dielli është i përbërë nga hidrogjeni dhe helium, që bashkojnë vazhdimisht elemente të tjera, duke krijuar nxehtësinë që na mban gjallë në Tokë. Dielli është gjithashtu një vatër e veprimtarisë magnetike që periodikisht largon lumenjtë e grimcave të ngarkuara. Dhe kjo është një pjesë e mënyrës se si funksionon ‘’shiu i diellit’’ gjithashtu.
Elementet që përbëjnë diellin janë kryesisht në formën e plazmës, një gaz i ngarkuar me energji elektrike. Plazma ka tendencë të rrjedhë përgjatë sytheve magnetike të materialit që burojnë nga sipërfaqja e diellit dhe përsëri kthehen poshtë. Gjetja e shiut ishte e papritur. Studiuesi kryesor Emily Mason që bën pjesë në njërën nga qendrat e NASA-s, ishte në kërkim të provave të shiut.
Por pas muajsh të tërë kërkimesh, Mason nisi të kërkonte shi në sythet magnetike më të vogla. Ky zbulim, i bëri shkencëtarët të mendojnë se këto struktura të vogla, mund të ndihmojnë gjithashtu në zgjidhjen e një misteri tjetër diellor.
