Pak javë më parë në festën e “Top Medias”, u zbulua se “Big Brother” do të rikthehet në ekran vitin tjetër me edicionin e tij të ri. Menjëherë nisën aludimet se kush do e prezantojë reality show-n dhe sigurisht emri i moderatores shumë të dashur për publikun, Arbana Osmanit ishte i pari që u përmend.
Në një intervistë për “revistawho.com”, Arbana u pyet nëse do e drejtojë sërish “Big Brotherin”, por moderatorja u përgjigj se ka dilema për këtë format.
“Të them të drejtën nuk e di. Unë kam dilemat e mia për rikthimin e formatit dhe realizimin e tij me standartet e dikurshme. Ka shumë faktorë që më bindin të drejtoj një program të caktuar. Me “Big Brother” këta faktorë nuk i kam vlerësuar akoma”, u përgjigj Arbana.
