Komiteti teknik i ekspertëve në një konferencë për mediat tha se Tirana, Gjirokastra dhe Lezha janë ndër më të prekurat nga covid-19. Megjithatë Albana Fico tha se gjendja deri tani është relativisht e qëndrueshme, ndërsa është vënë re një rritje e numrit të pacientëve që kërkojnë trajtim në terapi intesive.
“Vihet re qëndrueshmëri në spitalet covid të numrit të pacientëve. 365 raste për 100 mijë banorë, më e ulta në rajon”, tha ajo. Ndërsa kryetarja e komitetit teknik Mira Rakacolli tha se ”në bazë të vlerave që do kemi do gjykojmë nëse do ketë masa të reja apo do mbetemi në këto masa”.
“Kjo javë është e rëndësishme për të vendosur se si do vijojë gjendja me tej, nëse do shtohen masat apo do rrimë në këto që kemi aktualisht”, tha ajo, duke lënë të kuptohet se javët e ardhshme mund të ketë një izolim më të fortë të vendit.Grupomosha më e prekur mbetet në intervalet 55-64 vjec e ndjekur nga 65-75 vjecarët.
