Ishte bashkëpunimi që bëri shumë bujë në kohë kur u publikua gjatë vitit 2011.
Këngëtarja e njohur Çiljeta dhe reperisti i njohur Getoar Selimi sollën bashkëpunimin që theu tabutë në muzikë ‘O sa kam b*thën e mirë’.
Dhe tani mbas shumë vitesh këngëtarja është pyetur në një interviste për ‘Mirage’ në lidhje me këtë bashkëpunim.
Por Çiljeta u shpreh se atëherë ishte në moshë të re dhe se nuk i mendonte gjatë gjërat që do të vinin më pas.
“Bashkëpunimi me Getin ka ndodhur kur unë kam qenë 20 vjeçe me sa mbaj mend, kemi qenë shumë të rinj. Grupi i Getit ka qenë në fazën e ngritjes dhe unë në fillimin e karrierës. Ka qenë një bashkëpunim rastësor. Një këngë që goditi edhe pse kur je në atë moshë nuk i mendon dot pasojat mbrapa, pasi thjesht i bën dhe nuk i mendon gjërat që do të ndodhin më pas.”- u shpreh Çiljeta.
Por e pyetur nëse është bërë pishman për këtë bashkëpunim, Çiljeta u shpreh në mënyrë të bindur që jo, pasi ajo ka qenë një këngë shumë e sukseshme.
“Nuk jam pishman, pasi ka qenë një këngë e sukseshme dhe sot dëgjohet mesa di unë edhe pse unë kurrë nuk e këndoj në repertorin tim. Mami ka qenë kundra, kemi ikur deri në Prishtinë dhe nuk e dinim se çfarë kënge do të bënim për Këngën Magjike. Më shoqëronte mami se isha shumë e vogël. Në fillim nuk kam qenë dakord, por më mbrapa isha e detyruar të pranoja në një farë formë se kisha shkuar der atje dhe ishte Kënga Magjike etj etj. Por duke qenë në një moshë të vogël ti nuk i mendon gjërat më gjatë.”– u shpreh ndër të tjera këngëtarja.
