Në Afrikë, 13 mijë elefantë janë në rrezik, për shkak të një projekti nafte që pritet të ndërtohet në të gjithë Namibinë dhe Botsvana. Sipas aktivistëve, ky projekt do të shkatërronte ekosistemet rajonale dhe jetën e egër, si dhe komunitetet lokale.
Ndërkohë që qeveria e Namibisë shprehet e sigurt se çdo gjë është bërë gati për projektin dhe nuk do ketë të tilla probleme. Sipas tyre, puset eksploruese nuk janë të vendosura në ndonjë zonë të ndjeshme ndaj mjedisit dhe nuk do të kenë ndikim të rëndësishëm në jetën e egër.
ReconAfrica e cila ka marrë përsipër projektin argumenton kjo do sjellë përfitime të mëdha ekonomike në rajon pa dëmtuar mjedisin. Puna kërkimore ka filluar dhe ekspertët thonë se fusha e re e naftës mund të jetë një nga më të mëdhatë e viteve të fundit. ReconAfrica vlerëson se nafta e gjeneruar mund të jetë midis 60 miliardë dhe 120 miliardë fuçi dhe vlen miliarda dollarë për ekonominë rajonale.
