Një këmbësore është aksidentuar pak minuta më parë në vendin e quajtur “Postblloku”, pranë lagjes “Punëtori” në Gjirokastër.
Sipas të dhënave paraprake, një automjet tip “Toyota”, i cili po lëvizte në aksin Zona Muzeale-Ura e Lumit, ka përplasur këmbësoren Violeta Selfo, 78 vjeçe, e cila po kalonte rrugën.
E moshuara është transportuar menjëherë në Spitalin Rajonal të Gjirokastrës, ku po merr ndihmën e nevojshme mjekësore.
Policia ndodhet në vendngjarje dhe po kryen veprimet hetimore për zbardhjen e rrethanave të aksidentit.
Gjirokastër/Informacion paraprak
Në aksin rrugor “Gjirokastër-Kakavijë”, shtetasi A. M., 29 vjeç, banues në Gjirokastër duke drejtuar automjetin tip “Toyota”, ka aksidentuar këmbësoren shtetasen V. S., 77 vjeçe, e cila ndodhet në Spitalin Rajonal Gjirokastër, në kujdesin e mjekëve.
Drejtuesi i automjetit, u shoqërua në komisariat për veprime të mëtejshme.
Grupi hetimor ndodhet në vendngjarje dhe po kryen veprimet e mëtejshme për aksidentin.
