Agim Poshka është një nga këngëtarët më besnikë të Festivalit të Këngës në RTSH. Edhe këtë vit, ai ka ardhur nga Struga për të konkuruar. Mirëpo, në krahasim me vitet e tjera, Poshka këtë edicion ka një këngë patriotike me titull “Vendi im”, për të cilën është kujdesur vetë në çdo detaj.
I ftuar në ABC e Mëngjesit, ai ndau disa detaje si nga kënga edhe nga festivali.
“Tekstin e kam shkruar unë, i kam bërë të gjitha vetë. Mund të tingëlloj pak qëesharake, po ishim nisur për ta bërë me një kompozitor këtu në Shqipëri, po ai ishte në izolim për shkak të pandemisë. Kështu e përfudnova vetë. Por e shoh edhe gjatë provave tani që ndjej një lloj emocioni ndryshe. Para dy netësh ka qenë regjistrimi i natës së parë, sonte është nata e muzikës akustike. Nesër është nata finale. Do të jetë pa orkestër, do të jetë në ambjent të hapur, xhirojmë pasdite sa errësohet”. l.k/abcnews.al
