Një a ksident i rëndë ka ndodhur në aksin Berat-Dimal, në vendin e quajtur Moravë. Një mjet furgon mallrash, tip “Benz”, me targa AA 297 TH, ka devijuar në përpjekje për të parakaluar dhe është p ërplasur me një automjet tip “Hunday”, me targa AA 993 XI, ku udhëtonte një familje e tërë.
Si pasoj e këtij aksidenti janë plagosur katër pjesëtarët e familjes Bilbili: Resmi Bilbili që ishte drejtuesi i Hundait, bashkëshortja e tij Gjenovefa dhe dy fëmijët e çiftit: djali Riza dhe vajza Pamela.
Drejtuesi furgonit, 30-vjeçari Valter Belishaku është shoqëruar në polici, ku po jep edhe deklarimet në lidhje me aksidentin e rëndë. 4 pjesëtarët e familjes Bilbili, të gjithë të p lagosur rëndë, janë transportuar me ambulanca me urgjencë drejt Spitalit Rajonal Berat.
Burimet spitalore bëjnë me dije se pjesëtarët e familjes Bilbili janë në terapi intensive në Repartin e Reanimacionit në Spitalin Rajonal Berat.
Në vendngjarje kanë mbërritur forca të shumta të policisë rrugore dhe ekspertë, që po kryejnë këqyrjen e vendit të ngjarjes, për të zbuluar dinamikën e aksidentit të rëndë. Burimet e para policore nga vendngjarja pohojnë se dyshohet që shkak për a ksidentit e rëndë ka qenë lagështira në rrugë, shpejtësia e drejtuesit të furgonit dhe parakalimi i tij i gabuar.
