Një aksident me pasojë vdekjen ka ndodhur mbrëmjen e së enjtes në aksin rrugor Levan-Tepelenë. Bëhet e ditur se ngjarja ndodhi rreth orës 18:45 kur në fshatin Ziaj, automjeti tip “Benz” që drejtohej nga I. R., 37 vjeç, banues në Fratar është përplasur me një automjet tip “BMW” me drejtues F. L., 34 vjeç, banues në Çorrush.
Për pasojë ka humbur jetën drejtuesi i Benz-it dhe ka mbetur i lënduar drejtuesi i automjetit tjetër. Ky i fundit po merr kujdes shëndetësor në spital.
Një person ka humbur jetën dhe është plagosur një tjetër. Për pasojë ka ndërruar jetë Indrit Rushitaj dhe është plagosur Fatjon Lalaj.
NJOFTIMI Sot rreth orës 18:45, në aksin rrugor Levan-Tepelenë, në fshatin Ziaj, shtetasi I. R., 37 vjeç, banues në Fratar, duke drejtuar automjetin tip “Benz” është përplasur me automjetin tip “BMW” me drejtues shtetasin F. L., 34 vjeç, banues në Çorrush, Mallakastër.
Si pasojë e përplasjes ka ndërruar jetë shtetasi I. R. dhe është dëmtuar e ndodhet në spital shtetasi F. L. Grupi hetimor po punon për zbardhjen e shkaqeve të aksidentit.
