Katër persona mbetën të plagosur në një aksident rrugor gjatë pasdites së sotme në Elbasan.
Ngjarja ka ndodhur në aksin rrugor Elbasan-Metalurgji, ku një mjet tip “Benz” me drejtues shtetasin A.Sh., banues në fshatin Mengël Elbasan është përplasur me mjetin tip “Citroen”.
Për pasojë janë lënduar drejtuesja e mjetit “Citroen” dhe tre pasagjerët e mjetit “Benz”, të cilët ndodhen në spital jashtë rrezikut për jetën.
Grupi hetimor ndodhet në vendngjarje dhe po punon për zbardhjen e shkakut të aksidentit.
