Një aksident është regjistruar pak para mesnate në hyrje të tunelit të Murrizit, me kah lëvizjeje Tiranë-Klos.
Një 19-vjeçar ka humbur kontrollin e makinës dhe për pasojë ka dalë nga rruga. Si pasojë ka mbetur i plagosur i riu dhe tre pasagjerë.
Policia njofton se të lënduarit po trajtohen te Spitali Universitar, Tiranë.
Ende nuk dihen shkaqet e aksidentit.
“Rreth orës 23:45, në hyrje të tunelit të Murrizit, me kah lëvizjeje Tiranë-Klos, shtetasi K.L., 19 vjeç, ka humbur kontrollin mbi drejtimin e automjetit dhe për pasojë automjeti ka dalë nga rruga.
Si pasojë janë dëmtuar drejtuesi i automjetit dhe pasagjerët shtetasit K.Gj., U.M dhe F.K., të cilët po marrin ndihmë mjekësore në Spitalin Universitar Tiranë”, njoftoi sot policia.
Grupi hetimor po punon për sqarimin e rrethanave të aksidentit.
