Një aksident i rëndë me pasojë një të vdekur dhe një të plagosur ka ndodhur pranë një karburanti në rrugën Nacionale Vlorë-Fier, ku një motomjet tip Piaggio me targa AK653 ka humbur kontrollin.
Si pasojë, motomjeti ka dalë jashtë rruge dhe është përplasur me një shtyllë elektrike dhe një shtyllë druri.
Në mjet ndodheshin dy persona, ku njëri ndërroi jetë, ndërsa tjetri ndodhet në spital në gjendje të rëndë.
Sipas policisë, ngjarja ndodhi rreth orës 13:40, në rrugën “Demokracia”, pranë vendit të quajtur “Pusi i Mezinit”, dy shtetas, duke udhëtuar me një motomjet, dyshohet se kanë humbur kontrollin mbi drejtimin e tij dhe si pasojë motomjeti ka dalë nga rruga dhe është përplasur me një shtyllë elektrike.
“Sot, rreth orës 13:40, në rrugën “Demokracia”, pranë vendit të quajtur “Pusi i Mezinit”, dy shtetas, duke udhëtuar me një motomjet, dyshohet se kanë humbur kontrollin mbi drejtimin e tij dhe si pasojë motomjeti ka dalë nga rruga dhe është përplasur me një shtyllë elektrike.
Si pasojë e aksidentit, ka ndërruar jetë shtetasi L. Ll., 19 vjeç, ndërkohë që shtetasi T. M. është dërguar në spital për ndihmë mjekësore.
Grupi hetimor ndodhet në vendngjarje dhe po punon për sqarimin e rrethanave të aksidentit, si dhe për përcaktimin e shtetasit që ishte në drejtim të motomjetit”- njoftoi policia.
