Një aksident tragjik gjatë garave me mjete sportive i kushtoi jetën një 40-vjeçari këtë të diel në Shijak.
Shkak u bë përplasja e dy mjeteve, në një pistë garuese karting.
“Në fshatin Pjesës, Shijak, tek Arena Karting Albania 3, gjatë garave me mjete sportive, janë përplasur dy automjete. Si pasojë e përplasjes ka humbur jetën njëri prej drejtuesve shtetasi A. M., 40 vjeç, banues në Fier. Grupi hetimor ndodhet në vendngjarje dhe po punon për sqarimin e rrethanave të aksidentit”, tha policia në një informacion paraprak për mediat.
