Një aksident ka ndodhur mbrëmjen e sotme në brendësi të tunelit në zonën e Ujit të Ftohtë në Vlorë. Burime bëjnë me dije se nje automjet eshtë përplasur e për pasojë ka mbetur i dëmtuar rëndë një person.
Ai është dërguar me urgjencë në spital për të marrë ndihmën e nevojshme mjekësore. Grupi hetimor ndodhet në vendngjarje dhe po punon për të sqaruar rrethanat e plota të saj .
Vlorë/Informacion paraprak Më datë 17.12.2020, rreth orës 19:15, në dalje të tunelit në “Uji të Ftohtë”, Vlorë, një automjet me drejtues shtetasin A. T., 18 vjeç, ka humbur kontrollin e mjetit dhe është përplasur me bordurën anësore të rrugës, për pasojë është dëmtuar drejtuesi i mjetit, i cili ndodhet në spital, jashtë rrezikut për jetën.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
