Aurel Çipi është 28-vjeçari që humbi jetën në aksidentin tragjik të ndodhur gjatë natës në aksin Maliq-Pogradec, në vendin e quajtur “Lapidari”, afër fshatit Podgorie.
Në rrethana ende të paqarta, 28-vjeçari që udhëtonte me një mjet tip “BMW” është përplasur kokë më kokë me një “Audi”.
I riu ka humbur jetën në vendngjarje, ndërsa shoferi i ‘Audit’ ka mbetur i plagosur. Mjeti me të cilin udhëtonte viktima është shkatërruar plotësisht, dhe shërbimi zjarrfikës ka pasur nevojë për më shumë se një orë për të nxjerrë trupin e tij të pajetë nga rrënojat.
Sipas informacioneve paraprake, dyshohet se shkaku i aksidentit mund të ketë qenë një manovër e gabuar nga njëri prej drejtuesve të mjeteve. Hetimet për zbardhjen e plotë të ngjarjes janë në vijim.
