Moti i keq ka paralizuar lëvizjen dhe qarkullimin në zona të ndryshme të vendit, duke shkaktuar jo vetëm vështirësi në qarkullimin e mjeteve, por edhe radhë të gjata pritjeje në trafik. Situata e vështirë paraqitet edhe në Rrugën e Kombit, ku, si duket, ‘viktimë’ e kohës së keqe ka mbetur edhe aktori i humorit, Julian Deda.
Përmes një postimi në faqen e tij të “Facebook”, aktori i humorit teksa ndan një video të situatës, ku dhjetëra makina duken të bllokuara në trafik, shkruan se në mesin e tyre ka pleq dhe fëmijë.
Julian Deda shkruan ndër të tjera se kjo situatë ka mbi 4 orë që vazhdon.
“Pershendetje Jul. Po ta dergoj edhe ty kete video se asnje nga faqet online nuk i nxjerr.
Kemi mbi 4 ore te ngelur ne rrugen e kombit. Jemi ne hall se ka dhe pleq e femije. Asnje borepastruese nuk duket. Kam besim se mund ta publikoni ju”, shkruan ai.
