Aktori i madh Agron Hamo, një legjendë e humorit shqiptar, pjesë e 4 parodistëve të Vlorës feston ditën e sotme 72 vjetorin e lindjes.
Agroni një nga 4 parodistat e Vlorës që do të ngjitej shumë herë në skenë dhe do të bëntë për vete të gjithë shqiptarët me batutat e tij.
U lindë më 15 janar te vitit 1950 ne qytetin e bukur të Vlorës . Aktori ështe me origjinë gjirokastrite nga një familje arsimdashësish. Karrierën e tij e ka filluar rreth vitit 1966 si amator në uzinën e sodës kaustike. Në fillim të viteve 70 bashkohet me humoristin Afrim Agalliu dhe ja del. Parodia e frigoriferit e shkruar nga F .Laro. Spikat me talentin e tij ne interpretimin e parodisë dhe me meritë të plotë ka fituar respektin dhe duartrokitjet e Vlonjatëve dhe shqiptarëve. Parodia për Agronin dhe shokët e tij mbetet thelbi i grupit.
Në grup ata gërshetojnë vokalin, plastikën, mimikën etj. Nga ky aktivitet i pasur mban me meritë titullin “Naim Frashëri i Artë ” Agron Hamo dallohet për interpretimin elegant te parodise, diksion të pastër ,me zë melodioz dhe të intonuar mirë.Nga humori i Agronit kujtojmë Gjylen, Zalon, Burokrati, Dasmat, Historia e gishtit e shumë e shumë të tjera. Portali Vlora News i uron Agronit të bëhet 100 Vjec.
