Trupat inspektuese të AKU-së kanë vijuar inspektimet dhe monitorimet në garantim të sigurisë ushqimore dhe si pjesë e Taksforcës antiCOVID. Respektimi i masave të marra dhe zbatimi i protokollit të sigurisë janë kryefjala në çdo monitorim të kryer. AKU bën të ditur se, “gjatë kontrolleve të kryera janë vendosur 2 masa administrative. Një masë është vendosur pasi është konstatuar tregtim mishi pa vulë dhe pa certifikatë veterinare, u bë bllokimi i sasisë së evidentuar me qëllim asgjësimin, si dhe 1 masë për mungesë të sistemit të gjurmueshmërisë”. “Është bërë asgjësimi i një sasie prej 8.5 tonë produktesh ushqimore të pasigurta për konsum, me kërkesë të subjektit. Referuar Planit të Marrjes së Mostrave janë marrë 42 mostra për monitorim të qumështit dhe mbetjet pesticide në fruta-perime”, thuhet në njoftimin e AKU-së. AKU vijon pandërprerë kontrollet në garantim të sigurisë ushqimore dhe mbrojtjes së shëndetit të konsumatorit.