Në ditët e sotme shqetësimet në lidhje me ekspozimin ndaj pesticideve dhe toksinave janë të larta. Ndikimi në shëndet i pesticideve është krejt në varësi të kimikatit të përdorur tek frutat dhe perimet, niveli dhe kohëzgjatja e ekspozimit. Edhe pse shpesh pesticidet janë të domosdoishme për produktet bujqësore, duhet të tregoni kujdes.
Sipas ekspertëve, fëmijët janë më të rrezikuar se të rriturit sepse trupat e tyre të vegjël janë një shënjestër më e lehtë e toksinave. Për më tepër, ata janë të ekspozuar ndaj dyshemeve të ndotura ku zvarriten dhe mësojnë të ecin, tapeteve ku qëndrojnë ulur e lodrave që mund të fusin në gojë. Lexoni me kujdes rekomandimet e listuara nga AgroWeb.org. për të kufizuar ekspozimin e familjes suaj ndaj pesticideve.
AgroWeb.org këshillon të mundoheni të hani më shumë fruta dhe perime organike.
Nga ana tjetër, larja ose qërimi i lëkurës së frutave dhe perimeve mund të largojë disa prej pesticideve të përdorura. Në të njëjtën kohë, heqja e dhjamit nga mishi mundet gjithashtu të eliminojë shumë pesticide.
Ushqimet Më Të Ndotura Me Pesticide
Luleshtrydhet, Spinaqi, Nektarinat,Mollët,Pjeshkët, Rrushi,Qershitë,Dardhat, Domatet,Selinoja, Patatet,Specat
Ushqimet Më Pak Të Ndotura Me Pesticide
Avokadon, Misrin e ëmbël, Lakrën, Qepët,Bizelet,Shpargun, Patëllxhanin,Kivin,Pjeprin, Lulelakrën,Brokolin/Agroweb
