Alban Bushi, trajneri i përfaqësueses U-21 të Shqipërisë, më së fundi ka fituar betejën me virusin Covid. Ai ka marrë përgjigjen, pasditen e sotme ku pas testimit të rradhës tamponi i tij ka rezultuar negativ. Në këtë mënyrë shënohet një tjetër rast i suksesshëm i luftës nga koronavirusit.
Bushi rezultoi i infektuar me Covid , në prag të ndeshjes ndaj Kosovës U-21, çka e pengoi atë të drejtonte përfaqësuesen U-21 për eliminatoret e Europianit dhe për disa ditë u vet-karantinua. Në këtë ndeshje, por edhe në atë ndaj Anglisë në ishull, ai u zëvendësua nga trajneri Xhemal Mustedanagiç.
