Ministri i Mbrojtjes Niko Peleshi ka publikuar një video nga stërvitja e përbashkët e forcave detare të SHBA, Shqipërisë dhe Kosovës.
Stërvitja e përbashkët në kuadër të “Defender 21 Europe” është zhvilluar në bazën historike të Pashalimanit në Vlorë. Siç shihet edhe në pamjet e publikuara nga ministri, ata ilustrojnë dhe disa mënyra arrestimi ndaj personave që mund të paraqesin rrezikshmëri të lartë.
“Defender 21 – Nën udhëheqjen e Forcës Detare shqiptare në bazën e Pashalimanit janë kryer stërvitje të përbashkëta me grupet shumëkombëshe të bordingut”, shkruan Peleshi krahas videos në Facebook.
Prej disa ditësh forcat e marinës amerikane dhe shqiptare po kryejnë stërvitje të përbashkëta në kuadër të “Defender 21 Europe”.
