Angela Martini ka treguar të pa thëna për veten dhe nënën e saj. Modelja e njohur shqiptare pritet që shumë shpejtë ta publikoj librin i cili flet për jetën e saj në përgjithësi. Lidhur me këtë ajo ka folur gjatë një interviste për “Viva Glamm Magazine”.
Ajo ndër të tjera ka zbuluar se jeta e nënës së saj është në fokus të veçantë të librit andaj i ka zbuluar edhe disa ‘sekrete’ që publiku ndoshta edhe nuk i kanë ditur. “Është argetues, frymezues dhe emocionues, koha do të fluturoj duke e lexuar” tha ajo për librin, e kur u pyet për nënën tha po ashtu disa fjalë.
“Thjesht imagjinoni një grua 47-vjeçare që është beqare me 2 fëmijë, që jeton në varfëri në Shqipëri pa shtëpi sepse e humbi atë. Ajo është duke luftuar me shumë probleme, ka të ardhura vetëm 60 dollarë në muaj dhe kishte 2 martesa të dështuara. Ajo bëhet një mësuese e respektuar e Universitetit në Cyrih të Zvicrës, gjen dashurinë e vërtetë të jetës së saj, merr një pagë të madhe dhe përfundimisht shpërblehet me një çmim të UNESCO-s për një projekt humanitar për gratë! A mund të gjeni justifikim tani për të punuar për ëndrrat tuaja?”, tha ajo./Lajmi.net/
