Infermieret e spitalit “Shefqet Ndroqi”, Mira Bushi dhe Sheqerie Koçi janë liruar nga burgu me vendim të Gjykatës së Apelit Tiranë. Dy infermieret janë liruar pasi masa e sigurisë “arrest në burg 30 ditë” për to ka përfunduar dhe gjykata ka vendosur që ato tashmë të hetohen në gjendje të lirë.

Bushi dhe Koçi u arrestuan bashkë me infermieren Sidorela Cela dhe sanitaren Rukije Hoxha, të cilat u liruar pak ditë më parë dhe tashmë për to është masa e sigurisë “detyrim paraqitje”.

Tre infermieret dhe sanitarja akuzohen se kanë bashkëpunuar me sanitaren Tire Alldervishi dhe u kanë marrë shuma parash pacientëve që kanë qenë të shtruar për Covid në spitalin “Shefqet Ndroqi”.

Sipas Prokurorisë së Tiranës, Tire Alldervishi bashkëpunonte me 3 infermiere dhe sanitaren dhe ndanin Lekët se bashku. Kjo ngjarje u denoncua nga emisioni “Stop” në Tv Klan pak javë më parë.