/ATSH/ Kryeministri Edi Rama deklaroi sot në mbledhjen e Dytë të Komitetit Kombëtar të Rindërtimit se sa i përket transparencës së donacioneve po punohet për një aplikacion të posaçëm.
“Sa i përket transparencës së donacioneve po punojmë për një aplikacion të posaçëm. Që të jetë i aksesueshëm nga të gjithë. Me të dhëna specifike, të detajuara, për qeverinë, për donatorët, për financimet, për destinacionet e fondeve dhe për përfituesit”, tha Rama.
Kryeministri theksoi se, “në mbledhjen e ardhshme ndoshta pas një jave do të mund ta prezantojmë. Kur të mblidhet komiteti do të ketë prezantim publik. Mund ta prezantojmë dhe më përpara si demo sigurisht”.
