Një i moshuar 71-vjeçar në Japoni është arrestuar pasi 24.000 herë e ka telefonuar operatorin telefonik të një kompanie telekomunikacioni. Sipas mediave japoneze, policia e Tokios njoftoi se ka arrestuar pensionistin Akitoshi Okamoto për arsye se ka penguar zhvillimin e punës, pasi ai ka telefonuar mijëra herë operatorin telefonik të kompanisë së telekomunikacionit KDDI me pretendimin se i është shkelur kontrata.
Policia bëri të ditur se Akitoshi dëshiron që të kërkohet falje për shkak të shkeljes së bërë ndaj kontratës së tij, ndërsa ai ka ofenduar punonjësit e kompanisë, ndërsa në disa raste ka ndërprerë telefonatën menjëherë pasi i janë përgjigjur. Siç thuhet, Japonia është duke u përballur me probleme sociale për shkak të rritjes së moshës së popullsisë.
