Edi Rama ishte i ftuar në emisionin “Zonë e Lirë” kur live Arjan Çani i ka njoftuar lajmin e arrestimit nga SPAK të ish drejtorit të RTSH-së Thoma Gëllçi. “Cili është komenti juaj?”, e pyeti gazetari.
“Tani këtu me ju po e marr vesh”, i tha kryeministri me një fytyrë me seriozitet të sforcuar. Çani aludoi për faktin se mos kryeministri qe vënë në djeni për shkak të lidhjes e miqësisë familiare që ai kishte me Gëllçin. Por ai e mohoi kategorikisht të ketë djeni.
