Dy shtetas shqiptarë janë arrestuar nga policia italiane, pasi akuzohen për dhunë ndaj bashkëshorteve të tyre. Mediat kanë raportuar për dy rastet e ndryshme, i pari në Bolzano, ku një 40-vjeçar shqiptar u arrestua pasi d hunonte dhe torturonte bashkëjetuesen e tij. Dyshimet e para janë për shkaqe xhelozie.
Shqiptari lidhi në një karrige dhe torturoi për dy orë gruan, ndërsa e kërcënonte se do ta v riste me t hikë. Pas dhunës barbare, burri ka shoqëruar në spital gruan, duke i thënë mjekëve se ajo kishte rënë nga biçikleta.
Autoritetet nisën hetimet dhe pas disa provave, gruaja u shpjegoi hetuesve se ishte viktimë e keqtrajtimit nga partneri i saj, i cili më pas u arrestua. Ndërkohë një tjetër rast është raportuar në Napoli, ku një 41-vjeçar po me origjinë shqiptare u arrestua për plagosje të rëndë dhe keqtrajtim.
Ai akuzohet se ka rrahur gruan e tij duke e detyruar atë të prostituonte. Gruaja, në rrethana të ndryshme, ishte kërcënuar me vdekje dhe ishte rrahur me një shufër hekuri. 41-vjeçari, i cili ishte përpjekur t’i shpëtonte kapjes, në momentin e arrestimit ishte fshehur në një sallë bastesh.
