Dy djem dhe një vajzë, të moshës 19, 29 dhe 23 vjeç, u ndaluan nga policia spanjolle, si pjesë e një grupi që realizonte vjedhjet e banesave dhe dyqaneve në Pontevedra.

Të tre të arrestuarit janë shqiptarë, ndërsa policia ka zbuluar edhe skemën e funksionimit të grupit.

Ata pasi kryenin vjedhjet, duke përdorur masak dhe automjete me targa të falsifikuara, ktheheshin në Shqipëri, dhe më pas udhëtonin drejt Spanjës, me identitete të ndryshuara.

Kjo i ka vështirësuar punën policisë spanjolle në zbulimin e grupit. Fillimisht, policia ndaloi 23-vjeçaren, të cilës iu gjetën bizhuteri të shtrenjta, në tentativën për t’u larguar nga Spanja. Ajo u kap në aeroport.

Dy ditë më pas, policia zbuloi edhe dy shqiptarët e tjerë, ndërsa në banesat e tyre u gjetën shuma të mëdha parash dhe bizhu me vlerë.