Reshje të dobëta shiu priten gjatë pasdites së sotme dhe gjatë ditës së nesërme. Parashikimi është bërë nga Instituti i Gjeoshkencës, Energjisë, Ujit dhe Mjedisit (IGJEUM).
RESHJET
Sot pasdite (e premte, dt.08) dhe nesër (e shtunë, dt.09) priten reshje të dobëta në të gjitha qarqet por lokalisht mesatare në qarqet Shkodër, Kukës, Vlorë dhe Gjirokastër (siç tregohet në tabelë, respektivisht për secilin qark). Reshjet do të shoqërohen me shtrëngata në qarqet Vlorë dhe Gjirokastër në pjesën e dytë të ditës së nesërme.
TEMPERATURAT
Nesër (e shtunë, dt.09) temperaturat minimale dhe maksimale të ajrit pritet të arrijnë:
në bregdet: 13 / 20 °C
në vendet e ulëta: 12 / 20 °C
në vendet malore: 7 / 14 °C
ERA
Sot pasdite (e premte, dt.08) dhe nesër (e shtunë, dt.09) era pritet të fryjë e lehtë deri mesatare.
