Categories Lajme

Arrestohet 50-vjeçari. Shpallet në kërkim bashkëpunëtori i tij

Një 50-vjeçar është arrestuar nga policia e Korçës pasi në pjesën e pasme të kamionit të drejtuar prej tij, u gjetën 36 shtetas të huaj, që do të kalonin ilegalisht kufirin.

Sipas policisë, në pranga ka rënë 50-vjeçari me iniciale  A. M., banues në Krujë, ndërsa është shpallur në kërkim një 28-vjeçar, i dyshuar si bashkëpunëtor në këtë veprimtari kriminale.

Të dy shtetasit kundrejt pagesës do të kalonin ilegalisht drejt vendeve të BE-së 36 emigrantët.

Njoftimi i policisë

DVP Korçë/Vijojnë operacionet për goditjen e veprimtarisë kriminale të dhënies ndihmë shtetasve të huaj, kundrejt pagesës, për kalim të paligjshëm të kufirit.

Finalizohet operacioni policor i koduar “Midnight 19”.

U kap në flagrancë duke transportuar me kamion, kundrejt pagesës, 36 shtetas të huaj që do të kalonin ilegalisht kufirin, vihet në pranga 50-vjeçari.

Shpallet në kërkim një 28-vjeçar, i dyshuar si bashkëpunëtor në këtë veprimtari kriminale.

Sekuestrohen automjeti kamion, 2 aparate celulare dhe shuma parash.

Specialistët për Hetimin e Trafiqeve të Paligjshme të DVP Korçë, në bashkëpunim me AMP Korçë-Elbasan, organizuan dhe finalizuan operacionin policor të koduar “Midnight 19”, si rezultat i të cilit u arrestua në flagrancë shtetasi:

-A. M., 50 vjeç, banues në Krujë.

Gjithashtu, u referuan materialet në Prokurori dhe u shpall në kërkim shtetasi E. D., 28 vjeç, banues në fshatin Belorta, Korçë.

Shërbimet e Policisë, në bazë të informacioneve të siguruara nga inteligjenca informative, për një shtetas që do të transportonte kundrejt pagesës, shtetas të huaj, me qëllim që ata të kalonin ilegalisht kufirin, organizuan veprimet dhe në aksin rrugor “Pogradec-Qafë Thanë”, pranë fshatit Memëlisht, bënë të mundur lokalizimin e automjetit të dyshuar. Gjatë kontrollit në automjetin kamion tip “Daf”, me drejtues shtetasin A. M., u gjetën 36 emigrantë të paligjshëm. Nga veprimet hetimore të kryera dyshohet se 50-vjeçari do t’i transportonte emigrantët, në bashkëpunim me shtetasin E. D., kundrejt pagesës, me qëllim që të kalonin ilegalisht drejt vendeve të BE-së.

Në cilësinë e provës materiale u sekuestruan automjeti, 2 aparate celulare dhe shuma parash.

Vijon puna për kapjen e shtetasit E. D.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Video/Ja momenti kur avokati Sokol Mëngjesi dhunohet para derës së kopshtit

Publikohet video nga momenti kur avokati Sokol Mëngjesi dhunohet para derës së kopshtit. Siç shihet…

LEXO ME SHUME
Categories Lajme

Nëna dhe babai kërkojnë djalin e humbur prej 4 muajsh, i riu i surprizon live: Jam mirë

Mes lotësh dy prindër nga Elbasani, Bujar dhe Fiqerete Çepa mbërritën pasditen e kësaj të…

LEXO ME SHUME
Categories Lajme

FOTO-EMRAT/ Identifikohen 4 autorët që dhunuan avokatin Sokol Mëngjesi

Policia e Tiranës ka identifikuar katër autorët që dhunuan avokatin Sokol Mëngjesin, mëngjesin e kësaj…

LEXO ME SHUME
Categories Lajme

Vlorë/Vijon megaoperacioni policor i koduar “Tempulli 3”Vihet në pranga një 27-vjeçar, të cilit iu gjet në automjet, një sasi lënde narkotike e ndarë në rreth 530 doza

Vlorë/Vijon megaoperacioni policor i koduar “Tempulli 3”, goditet një rast i shitjes së lëndëve narkotike,…

LEXO ME SHUME
Categories Lajme

Vlorë, Vodhën një sasi karburanti nga kamioni i një firme ndërtimi, identifikohen dhe arrestohen 2 shtetas

Vlorë, Vodhën një sasi karburanti nga kamioni i një firme ndërtimi, identifikohen dhe arrestohen 2…

LEXO ME SHUME