Guri i gjetur rreth dy javë më parë në Fan të Mirditës, do të merret në mbrojtje dhe të vendoset në Muzeun Historik Kombëtar. Një grup specialistësh dhe përfaqësues të ministrisë së Kulturës kanë lidhur edhe një kontratë dakortësie me banorët e zonës ku u gjet guri prehistorik. Në lidhje me këtë akt në një lidhje telefonike për Repor Tv, Frrok Bardhi, banorë i zonës ku u bë gjetja e veçantë është shprehur se edhe pse me një breng të madhe banorët kanë rënë dokort që guri të zhvendoset në Tiranë.
“Kushte atmosferike do të ndikonin. Guri kur është gjetur ka patur krisje. Pasi shkruam një kontratë me ministrin dhe ta takonim do ti kërkojmë që fshati të shpallet tursitik dhe të vihet dorë për relievin që janë mahnitur të gjithë. Edhe pse me breng. Eshtë një zonë fantastike, kur të shohin me sytë e tyre duhet mbrojtur nga shtetit.” ka deklaruar Frrok Bardhi.
Ky zbulimi i rrallë, ka emocionuar së tepërmi banorët e kësaj zone, të cilët e kundërshtuan idenë e lëvizjes së gurit nga vendi ku u zbulua fillimisht por tashmë duket se gjërat janë ndryshe.
Drejtori i Kulturës në Bashkinë Mirditë Gjergj Marku thotë se zona ku është gjetur guri mbart vlera të jashtëzakonshme historike. Sipas tij objekti pritet të hapë një dritare të re në historinë e kësaj treve dhe me një vëzhgim të parë ai shprehet se ato mund të jenë pintograme.
