Duke folur në lidhje me atentatin me armë zjarri mbrëmjen e djeshme në Elbasan, ku tre persona mbeten të vrarë, gazetari investigativ, Artan Hoxha ka zbuluar sot të tjera detaje shokuese.
I ftuar në studion e Report Tv, gazetari Hoxha tha se kemi të bëjmë me vrasës profesionistë.
“Nga mënyra sesi ka rrjedhur ngjarja është e qartë se kemi të bëjmë me vrasës profesionistë. Goditja ka qënë e qartë dhe e saktë që mos lënë të plagosur . Janë skema profesionistësh nga njerëz që nuk kanë qëlluar për herë të parë. Avantazhi i policisë janë 24 orët e para, por në rastin konkret autorët nuk kanë djegur as mjetin. Po ashtu një detaj tjetër është edhe orari që kanë zgjedhur. Për shkak të errësirës, ka qënë e vështirë edhe përdorimi i helikopterit nga policia. Deri tani nuk ka asnjë informacion që mund të kenë bërë një gabim për t’i kapur”-deklaroi ndër të tjera gazetari Artan Hoxha.
