Kreu i Agjencisë së Kadastres shtetërore Artan Lame nga Lushnja tha se ligji I ri i pronësisë 2020 që u miratua në parlament do ti japi fund procesit tranzitiv 30 vjecar me regjistrimin fillestar të tokës. Artan Lame i bëri komentet nga bashkia Lushnje ku shkoi për të informuar për këtë process, në një tur që ka nisur në disa rrethe të vendit, raporton newsbomb.al.
“Procesi i regjistrimit fillestar në Shqipëri është torturë që ka filluar në ’92 – ‘93. Dhe vitin tjetër kemi 30 vjetorin e fillimit të këtij procesi. Kaosi i legjislacionit, pra shumë ligje që binin në kundërshtim me njëri tjetrin e bllokuan si proces. ZRPP-të e dikurshme kanë gjynahet e veta të trashëguara, por edhe të kishte dashur, legjislacioni e ngatërronte më keq situatën” tha Lame për kaosin e shkaktuar me titujt e pronësisë.
“E gjithë kjo situatë, u shpupuris me ligjin 2020 që fshiu legjislacionin e vjetër dhe përcaktoi një procedurë që matjet në terren ti bënin bashkitë. Tani në Lushnje kemi shpalljen e rezultateve të punës. Kjo nuk është cudi sepse po bëhet në gjithë Shqipërinë, që nga Malësia e Madhe, Shkodër, Lezhe, Kukës, Durrës, Tiranë, Elbasan, Korcë, në Lushnje dhe në Fier, pastaj në Vlorë, në bregdet, në Sarandë e Finiq. Pra po punohet nëpërmjet këtij procesi me marrëveshje me bashkitë dhe rifillimin e punës.
Pa mbyllur këtë proces është e kotë të flitet për të tjerë. Regjistrimi fillestar të jep mundësinë për të dhënë certifikatën e tokës. Te të gjitha veprimet për tokën.
Afat për përfundimin e regjistrimit fillestar nuk mund të thuhen. Ka bashki që në vite janë harxhuar shifra kolosale nga qeveritë dhe është një nga proceset më të korruptara e të degraduara. Fakti që BB dhe BE kanë harxhuar shifra të paimagjinueshme qindra milionë dollarë dhe nuk e kanë mbyllur asnjëherë, tregon se cfarë harxhim kolosal ka pasur.
Ne jemi duke bërë projekt me BE, për të ngritur struktura brenda ASHK që ta bëjmë regjistrimin me forcat tona” tha Lame, raporton newsbomb.al.
