Mbrëmjen e djeshme ka ndërruar jetë kitaristi, Mehdi Prodani në moshën 91 vjeçare. Lajmi i hidhur është bërë i ditur këngëtari Voltan Prodani, nëpërmjet një statusi në rrjetet sociale. “Lamtumire i shtrenjti yne! Babai i Kitares.Mehdi Prodani. I dashur Mehdi! Na lendove keq,, me ikjen tende te qete sot papritur, ti ishe mjeshtri virtuoz i kitares. I paharruar do jesh ne zemrat tona! Lamtumire Mehdi Prodani Te engjejt aty lart te prehesh o i shtrenjti yne.”- shkruan ai.
Në fillimet e karrierës së tij, Mehdi Prodani vlerësohej si një ndër kitaristët më të mëdhenj të Shqipërisë. Prodani shërbeu si mësues në kitare për shumë të rinj, mes të cilëve këngëtares së madhe, Vaçe Zela. Në vitet e fundit të jetës, Mehdi Prodani kompozoi dhe interpretoi, ku ndër ta është spektakli “12 vallëzime pa një të shtunë”. Para se të ndahej nga jeta, Mehdi Prodani po bënte përgatitje që të gjitha krijimet e tij t’i përmblidhte në një album dhe në një koncert recital.
