Artisti i njohur indian Sudarshan Pattnaik krijoi një skulpturë rëre në Puri, kushtuar ngjarjeve në Kapitol Hill. Nëpërmjet kësaj vepre arti, Pattnaik përcjell mesazhin “Le të triumfojë demokracia”, pas reagimeve të shumta mbarëkombëtare që e cilësuan protestën sulm ndaj tempullit të demokracisë.
Mesazhi është ndarë gjerësisht në rrjetet sociale. Dy ditë më parë mbështetësit e Presidentit në largim të SHBA, Donald Trump sulmuan Kapitolin e SHBA në Washington DC, duke e bllokuar atë. Katër persona humbën jetën në p rotestën e d hunshme.
Demonstratat nisën kur Kongresi ishte në mes të certifikimit të rezultatit për presidentin e zgjedhur Joe Biden. Artisti Pattnaik njihet për mesazhet e tij të forta. Gjatë k rizës së emigrantëve, ai ndërtoi një skulpturë prej rëre në nderim të figurës së sirianit Aylan Kurdi, djalit 3 vjeçar që ndërroi jetë në mënyrë tragjike, pranë bregdetit turk, në kërkim të një jetë të re në Evropë.
