Karaj ndodhej si pasagjer në një automjet tip “Audi” me targa angleze, që drejtohej nga 24-vjeçari Andi Losha. Rreth orës 01:30, mjeti ka dalë nga rruga dhe ka përfunduar në zonën e njohur si zalli i Darsit, pranë shtratit të lumit Mat.
Në operacionin e sotëm të kërkimit janë angazhuar rreth 300 persona. Mes tyre janë 20 efektivë të Forcave të Armatosura me 4 mjete, 6 forca operacionale, 4 punonjës të Policisë Ushtarake, rreth 100 punonjës bashkiakë, si dhe afro 150 vullnetarë nga Bashkia Klos, shërbimi zjarrfikës i bashkisë Mat dhe banorë të zonës.
Kërkimet janë përqendruar nga grykëderdhja e lumit Mat në liqenin e Ulzës dhe përgjatë shtratit të lumit, në drejtim të Klosit, duke shfrytëzuar terrenin dhe zonat ku dyshohet se mund të ketë përfunduar trupi i 30-vjeçarit.
Drejtuesi i mjetit, Andi Losha, ka arritur të dalë i gjallë nga uji pas aksidentit, ndërsa për fatin e Jurgen Karajt ende nuk ka asnjë informacion zyrtar. Autoritetet po vijojnë kërkimet intensive për gjetjen e tij.
Ndërkohë, 24-vjeçari ndodhet në arrest, i akuzuar për largim nga vendi i ngjarjes, mosdhënie ndihme ndaj pasagjerit dhe drejtim automjeti në gjendje të dehur.
