Sipas informacioneve paraprake, nëna e fëmijëve, e identifikuar si shtetasja Blerina B., është larguar nga banesa dhe prej disa ditësh nuk ka pasur asnjë kontakt, ndërsa fëmijët kanë mbetur pa kujdes prindëror.
Situata është vënë re nga fqinjët, të cilët, të alarmuar nga gjendja e fëmijëve dhe mungesa e përkujdesjes, kanë kërkuar ndërhyrjen e institucioneve përkatëse. Ata raportojnë se të miturit ndodhen në kushte të vështira dhe kanë nevojë urgjente për ndihmë.
Banesa ku jetojnë fëmijët rezulton e lënë pas dore, ndërsa deri më tani nuk ka asnjë informacion zyrtar mbi vendndodhjen e nënës apo arsyet e largimit të saj.
Policia e Durrësit ka ndërhyrë dhe ka marrë nën kujdes tre fëmijët që janë braktisur nga nëna e tyre. Ata kanë deklaruar se kanë 3 ditë pa ngrënë ushqim dhe se prej një muaji, nuk shkojnë në shkollë./ Zoom.al
