Ende asnjë gjurmë për 23-vjeçarin Llazar Palla i cili rezulton i zhdukur prej dy ditësh. Ndërkohë gjatë ditës së sotme është bërë edhe një denoncim në Komisariatin e Policisë Kuçovë. 23-vjeçari është nga fshati Sqepur në bashkinë Dimal. Familjarët shprehen se ai është shurdh-memec dhe trajtohet me “kemp”.
Po ashtu familjarët dyshojnë se ai mund të ketë rënë në rezervuarin e fshatit dhe është mbytur, ndaj dhe për këtë arsye i kanë kërkuar ndihmë policisë për të ndërhyrë në zonë me polombarë. Gjithashtu në redaksinë tonë ka mbërritur një mesazh ku thuhej se 23-vjeçari është parë edhe në protestën e djeshme në Tiranë.
