Prokuroria e Vlorës ka kërkuar sot deklarimin fajtor dhe dënimin me 35 vite burgim për 4 të pandehurit e dosjes penale që akuzohen se kanë vrarë me armë zjarri Taulant Beqirajt, në rrugën “Transbalkanike” në Vlorë. 31 vjeçari njihej dhe me mbiemrin Gjikaj.
Pretenca është lexuar sot nga drejtuesi i prokurorisë së Vlorës, Aurel Zarka, i cili i kërkoi gjyqtarit Enkel Peza që të deklaronte fajtor dhe dënonte me 19 vite burgim të pandehurin Elton Hajnaj, për akuzën e “Vrasjes me dashje” dhe “Mbajtjes pa lejë të armëve të zjarrit”.
Që prej datës 10 Mars 2021, Hajnaj vijon të jetë në kërkim nga policia e Vlorës, si autori kryesor i vrasjes së Taulant Beqiraj. Por pas më shumë se një viti ende policia nuk ka mundur ta lokalizojë dhe arrestojë atë, shkruan Ora News.
Gjithashtu përfaqësuesi i akuzës kërkoi dënim me 4 vite burgim për Hansi Jonuzin, i akuzuar për veprën penale të “Moskallëzimit të Krimit” dhe “Dhënie ndihmë për largim nga vendngjarja”
Ndërsa me 6 vite burg, është kërkuar përkatësisht për Sali Zenelin dhe Skerdian Gabrani. Sali Zeneli vijon të jetë në kërkim nga policia dhe rezulton të jetë kushëri i viktimës Taulant Beqiraj.
Sipas prokurorisë Zeneli është personi që ka qëlluar në drejtim të makinës, me të cilën u larguan me shpejtësi, Elton Hajnaj, Skerdian Gabrani dhe Hansi Jonuzi. Prova kryesore e kësaj dosje është pikërisht një video e një biznesi, që ka filmuar gjithçka në rrugën “Transballkanike”, ku ndodhi ngjarja.
Sipas hetimeve të kryera deri në këtë fazë ku ndodhet çështja, Jonuzi, ka qënë shoferi i automjetit “Ford-Fokus”, nga zbritën Skedjan Gabrani dhe Eltoj Hajnaj, ku njëri prej tyre qëlloi menjëherë me 5 plumba në drejtim të Tauland Manaj, duke e lënë këtë të fundit të vdekur në vend.
Ndërsa vetë viktima, ishte i pajisur me një armë pistoletë pa lejë, por nuk mundi ta përdori, qoftë dhe për vetëmbrojtje.
