Autori i p lagosjes së Edison Begajt në Vlorë më 29 maj 2021 ka përfituar lehtësimin e akuzave nga Prokuroria e Vlorës, nga v rasje në tentativë në plagosje me armë. Këto janë veprat penale me të cilat dosja është dërguar në gjykatë. Sipas hetimeve, shkak i sulmit me armë ka qenë një konflikt i ndodhur në lokal mes autorit Mitri Prifti me të dëmtuarin Edison Begaj disa muaj pas su lmit me a rmë.
Prokuroria e Vlorës ka ndryshuar akuzat për noterin e Durrësit, Mitri Prifti, i arrestuar për ngjarjen e 29 Majit 2021, kur në Babicë të Vlorës u qëllua me disa plumba në sy të fëmijëve të mitur, Edison Begaj.
Prej 5 muaj, i dyshuari vijon të qëndrojë në burg, ndërsa prokuroria e Vlorës ka vendosur të mbyllë hetimet dhe të çojë dosjen në gjykatë, duke e akuzuar Priftin për tri vepra penale.
Në materialin përfundimtar të hetimeve, bie në sy fakti se Prifti nuk akuzohet për “Vrasje me paramendim” mbetur në tentativë, siç e kishte rreferuar ngjarjen policia e Vlorës, por për “Plagosje të lehtë me dashje”.
Sipas konkluzionit të akuzës, në këtë rast nuk jemi përballë veprës penale të “Vrasjes me Paramendim” mbetur në tentativë, megjithëse autori Mitri Prifti ka qëlluar më shumë se një herë në drejtim të Edison Begaj dhe ka pasur maskim, duke krijuar përshtypjen e një punonjësi policie.
Madje për akuzën e “Vrasjes së mbetur” në tentativë, Gjykata e Vlorës, kishte vendosur vendosur në muajin Qershor 2021, masën e “Arrestit në burg” në mungesë për Mitrin.
Detaji që ka sjellë zbulimin e këtij sulmi me a rmë, ka qenë gjetja e makinës që përdori Mitri Prifti për tu larguar nga Vlora. Në ikje e sipër Mitri Prifti mësohet se ka bërë aksident në dalje të qytetit të Fierit.
Qëllimi i tij ka qënë djegia e makinës, por për shkak se Prifti ka dalë nga rruga dhe ka bërë aksident, ka vendosur të largohet me shpejtësi, duke lënë gjithçka të paprekur në makinën tip “Benz-Mercedes”.
Në kapuçin e gjendur në makinë është gjendur një kampion pështyme, duke bërë që ajo të analizohet me bankën e të dhënave që ka sistemi i policisë shkencore.
Krahasimi i profilit të ADN-së me pështymën e gjetur në kapuçin e sekuestruar, ka rezultuar se ishte e ngjashme me atë të noterit Mitri Prifti.
Mitri Prifti dhe Edison Begaj njihen me njëri-tjetrin pasi kanë lidhje familjare dhe krushqie. Mes Priftit dhe Begaj ka pasur një debat disa kohë më parë, debat i cili ka bërë që Begaj ta qëllojë me shuplakë në mes të lokalit, çka ka sjellë që ai të hakmeret duke e goditur me armë pikërisht në hyrje të banesës së tij në fshatin Babicë.
