Moderatorja Aulona Musta ishte e ftuar mëngjesin e sotëm në emisionin “Ditë e Re” në RTV Ora.

E pyetur nga moderatorët e “Ditë e Re”, Arjola Shehu dhe Kelvi Kadilli nëse e mendon të punojë pa kolegen e saj Fatmën në emision u përgjigj: “Sesi më duket të jem pa Fatëm. Mendoj që pa i ulur vlerat as Fatmës dhe as vetëm, të dyja ne jemi shumë të zonjat në atë që bëjmë dhe do të ishim shumë të mira vetëm, në mënyrë më absolute.

Fuqia jonë deri më sot ka qenë fakti që jemi bashkë. Ky është çelësi i suksesit.

Jemi ‘çifti’ deri tani më jetëgjatë në televizione. Ka pasur çifte, ka akoma. Po bëjmë 7 vite tashmë dhe jemi goxha të gjata.”