Është zbardhur dinamika e shpërthimit me lëndë plasëse në orët e para të mëngjesit të sotëm në Selitën e Vogël, në makinën e 39-vjeçarit Dritan Jano.
Dritan Jano është nipi i Thoma Janos, i cili deri pak kohë me parë ka qenë zëvendësprokuror i përgjithshëm për pjesën e përgjimeve. Një prej pistave që po hetohet është puna e xhaxhait të tij në sistemin e drejtësisë.
Dorina Jano, bashkëshortja e Dritan Janos, rezulton se është një nga Administratorët e Agjencisë së Pasurive të Sekuestruara dhe Konfiskuara, në Ministrinë e Brendshme. Hetuesit po verifikojnë dhe punën e bashkëshortes se 39-vjecarit si një pistë tjetër e mundshme.
Ndërkohë sipas burimeve autorët kanë qenë dy persona, të cilët lëviznin me dy automjete. Njëri prej tyre është afruar te porta e shtëpisë dhe ka hedhur lëndën plasëse në oborrin e banesës. Më pas janë larguar nëpër rrugicat e zonës së Selitës së Vogël.
Jano ka mohuar që të ketë dijeni për arsyen se pse autorët i hodhën lëndën plasëse në makinë, të cilën e kishte parkuar në oborrin e banesës.
Sipas burimeve, prej gati 10 vitesh ai ishte i punësuar në Institutin e Metrologjisë dhe nuk rezulton person i skeduar më herët nga policia.
Ndërkohë bashkëshortja e tij, Dorina Jano, rezulton se është një nga Administratorët e Agjencisë së Pasurive të Sekuestruara dhe Konfiskuara, në Ministrinë e Brendshme.
Hetuesit po verifikojnë dhe punën e bashkëshortes se 39-vjecarit si një pistë të mundshme.
Njoftimi:
Më datë 19.12.2025, rreth orës 03:20, në Selitë të Vogël, dyshohet se është hedhur një sasi lënde plasëse në automjetin e shtetasit D. J., rreth 39 vjeç, i cili ka qenë i parkuar në oborrin e banesës së tij. Si pasojë, pati vetëm dëme materiale.
Grupi hetimor është në vendngjarje dhe po punon për sqarimin e rrethanave të rastit, si dhe për identifikimin dhe kapjen e autorit/ëve.
