Dyqanet e mëdha në Austri hapën dyert sërish sot, pasi masat e fundit të bllokimit të pandemisë u shfuqizuan për industrinë e shitjes me pakicë, por numri i klientëve në disa rajone tregoi se blerësit janë ende të kujdesshëm. Ndërsa dyqanet e pajisjeve hardware, qendrat e kopshteve dhe dyqanet e vogla u lejuan të rihapeshin më 14 prill, shitësit me pakicë dhe qendrat tregtare duhej të prisnin 2 majin, pasi qeveria i hoqi gradualisht kufizimet.
Më shumë njerëz u panë të shëtisnin sot në Mariahilfer Strasse, një nga rrugët kryesore tregtare të Vjenës, sesa gjatë javëve të bllokimit, por zona e këmbësorëve ishte dukshëm më pak e zënë se sa të shtunave para krizës. “Është një fillim i mbarë, por kemi ende shumë rrugë për të bërë deri sa të arrijmë normalen”, tha zyrtari i Dhomës austriake të Tregtisë, Rainer Trefelik.
