Breshëri plumbash janë zbrazur ditën e sotme ndaj një biznesi në Shijak, ku si pasojë ka mbetur i plagosur Enidor Dedja. Autori i kësaj ngjarjeje është identifikuar si Arber Hoxha, i cili është shpallur në kërkim.
36-vjeçari që u plagos sot në Shijak duket se nuk ishte shënjestra e vërtetë e autorit Arbër Hoxha, që qëlloi me breshëri plumbash drejt një biznesi që tregton aksesorë për automjete.
Një natë më parë, Hoxha ka pasur një sherr fizik në Durrës me një nga dy vëllezërit Domi, pronarë të subjektit tregtar dhe sot kishte ardhur “për t’u sqaruar” me armë. Nga të dyja palët, ka pasur shkëmbim zjarri.
Mes të shtënave me armë, Enidor Dedja mbeti i plagosur, pasi një plumb e kapi në këmbë.
Plumbat e shkrepur në drejtim të biznesit, kanë kapur edhe xhamin e një urbani që ndodhej i ndaluar dhe pa njerëz brenda.
