Një aksident i rëndë ka ndodhur disa minuta më parë në autotostradën e Kosovës “Ibrahim Rugova”. Një autoveturë është përplasur me një kamion në vendin e quajtur gurthyesi në Malishevë.
Faxweb.al ka siguruar pamjen e autoveturës së shkatërruar plotësisht, në të cilën ndodhej një familje me 7 persona nga Mitrovica. Pasi morën ndihmën e parë, u dërguar me urgjencë në gjendje të rëndë në spitalin e Malishevës.
Baki Kelani, zëdhënësi i Policisë së Kosovës ka folur për këtë ngjarje duke thënë: “Mund të konfirmojmë se pak para orës 13:00 në autostradën “Ibrahim Rugova”, në zonën e Malishevës ka ndodhur një aksident trafiku janë përfshirë një automjet dhe një kamion. Si pasojë e aksidentit, bazuar në informacionet e deritanishme, shtatë persona kanë pësuar lëndime. Njësitet relevante policore janë duke hetuar me rastin.”
