Ka reaguar për herë babai i gazetarit bjellorus Roman Protashevich. Kujtojmë se ky i fundit u arrestua në Minsk, pasi avioni në të cilin po udhëtonte, u urdhërua që të ulej. Për çështjen që bëri shumë bujë dhe për videon që djali i tij bëri një ditë më parë, ai tha se është detyruar.
Ai u shpreh i f rikësuar për videon, pasi pretendon se 26-vjeçari mund të jetë detyruar të deklarojë ato fjalë në video. “Hunda e tij ka mundësi të jetë e thyer, mund të shihet që forma është ndryshe. Ai ishte me pluhur, në hundë dhe në anën e majtë të fytyrës.
Nuk besoj se janë fjalët e tij, nuk janë fjalët e tij, ai nuk flet ashtu. Është i ndrojtur dhe nervoz. E kanë detyruar”, tha babai i tij. Nga ana tjetër, autoritetet Bjelloruse kanë treguar se gazetari është në burg dhe se nuk ka asnjë problem shëndetësor. Ulja e avionit disa ditë më parë bëri bujë dhe nuk është pritur aspak mirë nga fuqitë botërore.
Mësohet se 27 udhëheqësit e BE kërkuan të hënën lirimin e menjëhershëm të disidentit si dhe partneres së tij, ndërsa ranë dakord të vendosnin sanksione të reja ndaj Bjellorusisë dhe duke u kërkuar kompanive ajrore të shmangin hapësirën e saj ajrore. Në të njëjtën kohë, ata ndaluan kompanitë bjelloruse të fluturonin në hapësirën ajrore të BE.
