Disa pallate në qytetin e Krujës kanë pësuar dëmtime të mëdha nga tërmeti i së martës. Banorët tregojnë se janë të frikësuar dhe kërkojnë një strehë nga qeveria.
Banori 1: “Kanë ardhur, kanë filmuar. Shkova sot në Bashki dhe më thanë se do të vijnë ekspertët nga Tirana. Por, nuk i kemi parë.”
Banori 2: “Ky pallat është bërë në vitin 1976 me sa di unë. Nuk ka kollona, vetëm me tullë. Që kur ka ra tërmeti nuk kam mbërrit në shtëpi. Nuk ma mban në shtëpi. Jam me dy fëmijë. Kam edhe dy nipat e vogël. Unë nuk mund t’i lë nipat me i fut brenda në shtëpi.”
Banorja: “Erdha për të parë, se isha te motra, se kisha shumë frikë me ardh këtu. Kur erdha këtu prap shikoj plasaritje.”
Vetëm në lagjen “Varoshi” janë 5 objekte të ndërtuara që në periudhën e regjimit komunist, por edhe një ndërtim i ri që ka pësuar shumë ndërtime.
Të vetmit autoritete që kanë shkuar në Krujë, sipas banorëve janë një grup specialistësh nga Franca për të verifikuar qëndrueshmërinë e pallateve.
