‘”Unë besoj se rruga që ka ndjekur nuk i ka dhënë produktin e dëshiruar. Për më shumë dhe për fat të keq, faktorë ekstrapolitikë që s’kanë lidhje me interesat të demokratëve, të krimit të organizuar, oligarkë.
Kësaj i është dhënë përgjigje përfundimtare me 15 Nëntor. Ka një Parti Demokratike, ka një kuvend me 18 Dhjetor.”
Dhe kundërshtari ynë politik, është investuar që diçka të nisur nga Sali Berisha për interesin e tij personal, ta shfrytëzojë për ta përçarë Partinë Demokratike.
Lulzim Basha e ka vulosur në mbledhjen e kryesisë së Partisë Demokratike vendimin e tij për të thirrur Kuvendin Kombëtar të demokratëve më 18 dhjetor 2021, datë kjo e ndryshme nga ajo e pretenduar prej paraardhësit të tij, Sali Berisha, i cili kërkon që Kuvendin ta mbledhë më 11 dhjetor.
Basha është shprehur krenar për vendimin e kryesisë në selinë blu, pas gjashtë orësh diskutime.
“Dua t’i falënderoj të gjithë, pavarësisht prej mendimeve apo votave, për përkushtimin e treguar dhe legjitimimin e plotë të besimit që u kanë dhënë demokratët”, tha Basha për gazetarët pas mbledhjes.
Me 26 vota pro, kështu, Basha legjitimon thirrjen e Kuvendit të të tijve më 18 dhjetor. Vetëm tre anëtarë votuan kundër.
